Ma'den-i Tevhîd-i Rahmân'dır Fütûhât u Fusûs
4 Eylül 2021 tarihinde yayınlanmıştır.
NUTK-İ ŞERÎF
Ma'den-i tevhîd-i Rahmân'dır Fütûhât u Fusûs
Muhbir-i esrâr-ı Kur`ân'dır Fütûhât u Fusûs
Şeyh Muhyiddîn lisânından sudûr etmiş velî
Fi'l-hakîka nutk-ı Yezdân'dır Fütûhât u Fusûs
Bî-basîretdir olar kim ta'n eder Şeyh-i Ekber'e
Görmeyüp misbâh-ı îmândır Fütûhât u Fusûs
Bî-'arâfet bî-zekâvet eblehi tesmîn eder
Kût-ı cân-ı sâhib-'irfândır Fütûhât u Fusûs
Ey Kabûlî çeşm-i dilden kıl nazar im'ân ile
Tûtiyâ-yı dîde-i cândır Fütûhât u Fusûs
Kabûlî Mustafa Efendi
Kuddise Sırruh