Ma'nâyı Fehm Etmeğe Tevhîde Düşmüş Cân Gerek
16 Haziran 2023 tarihinde yayınlanmıştır.
NUTK-İ ŞERÎF
Ma'nâyı fehm etmeğe tevhîde düşmüş cân gerek
Tevhîdi fehm etmeğe 'ummâna düşmüş cân gerek
'Âlem-i gayb u şehâdet sırrının ilhâmıdır
Vechinin zâtındaki seyrâna düşmüş cân gerek
'Aşk-ı deryâ-yı muhîtden 'âşıka budur cevâb
Şakıya bülbül gibi handâna düşmüş cân gerek
'Ârife 'âr eyleme sor ma'nâdan versin haber
Noktayı fehm etmeğe vicdâna düşmüş cân gerek
Tevhîdin ahvâlini fâş eyleme nâdâna sen
Açmağa genc-hâneyi 'irfâna düşmüş cân gerek
Rü'yetim ta'bîrinin dinler misin esrârını
Zâtını zikr etmeğe îmâna düşmüş cân gerek
Dâd-ı Hakk'dır şübhe yokdur 'ârifin nutkundaki
Tâlib olan dinleye vîrâna düşmüş cân gerek
Abdülvehhâb Ümmî
Kaddesallahu Sırrahu's-Sâmî