Matla'-ı Nûr-ı Hidâyetdir Habîb-i Kibriyâ
14 Eylül 2024 tarihinde yayınlanmıştır.
NA'T-I ŞERÎF
Matla'-ı nûr-ı hidâyetdir Habîb-i Kibriyâ
Menba'-ı luṭf u 'inâyetdir Habîb-i Kibriyâ
Dâimâ andan erişir 'âşıka cümle ni'amâ
Mâlik-i kenz-i sehâvetdir Habîb-i Kibriyâ
Evvelînin fahridir âḫirînin seyyidi
Server-i hatm-i risâletdir Habîb-i Kibriyâ
Erişenler âgâh erdi kurb-ı Hakk'a şübhesiz
Rehber-i râh-i selâmetdir Habîb-i Kibriyâ
Cümlenin aslı vü fer'i olduğuy'çün ol şerîf
Cevher-i evvel ü nihâyetdir Habîb-i Kibriyâ
Zât-ı Bârî'den erişir 'âşıkânın gönlüne
Cezbe-i feyz ü sa'âdetdir Habîb-i Kibriyâ
Bedriyâ ayrılma hiç sen bâb-ı lutfundan anın
Sâhib-i kân-i şefâ'atdir Habîb-i Kibriyâ
Mahmud Bedreddîn Efendi
Kuddise Sırruh