Mazhar-ı Esrâr-ı Esmâ Etdi Cânân Cânımız
23 Eylül 2021 tarihinde yayınlanmıştır.
NUTK-İ ŞERÎF
Mazhar-ı esrâr-ı esmâ etdi Cânân cânımız
Gerçi 'unsurdan mürekkeb eylemiş ebdânımız
Çün dem-i Rûhü'l-Kudüs'den câna erişdi hayât
Ahsen-i takvîmde halk olsa n'ola insânımız
Âşinâdan dûr olup geldik dâr-ı gurbete
Yâd edüp aslın eğlenmedi mihmânımız
Dicle-i Bağdâd u Ceyhûn u Fırât u Nîl'i nûş
Etse kanmaz âb-ı vaslın içmese 'atşânımız
Mahrem olsak ger harîm-i vaslına Yâr'in n'ola
Feth-i bâb eyledi emr-i Hakk ile derbânımız
Aldı bizden bizliğimiz komadı zerre nişân
Çekdi zâtına bi-külli cezbe-i Rahmân'ımız
Sırrını buldu Fenâyî cân gibi dilde nihân
Bu imiş bezm-i ezel ol Yâr ile peymânımız
Ehl-i Cennet Fenâyî Mehmed Efendi
Kuddise Sırruh