Mebde'-i İzhârımı Sordum Didi Pîrim Bana
18 Şubat 2024 tarihinde yayınlanmıştır.
NUTK-İ ŞERÎF
Mebde'-i izhârımı sordum didi pîrim bana
İbtidâna ibtidâ yok intihâna intihâ
Gevher-i aslım nedir pîrime sordum didi
Gevherin hakkânîdir kanın Âdem'de ihtifâ
Gevherimin kıymetin sarrâfdan itdim suâl
Çün nazar kıldı didi kim bî-bahâdır bî-bahâ
Bu hazîz içre düşürdüm bir zaman o gevheri
Yitiğim geri bana irgürdü bir merd-i Hudâ
'Âlem-i gayb u şehâdet bir olur 'âşıklara
Ey Sezâyî cân gözün aç kim değil cây-ı hafâ
Hasan Sezâyî
Kuddise Sırruh