Mehabbetden Suâl Etmek Dilersen Şâneler Söyler
6 Kasım 2021 tarihinde yayınlanmıştır.
NUTK-İ ŞERÎF
Mehabbetden suâl etmek dilersen şâneler söyler
Visâli şem'-i nâre cân atan pervâneler söyler
O kâzibler ki cânân uğruna cânın fedâ etmez
Özün 'âşık sanır da gör nice efsâneler söyler
'Akıllar 'acze düşmüş vâdî-i hayretde ser-mestân
Hemen nîrân-ı 'aşkın dehşetin dîvâneler söyler
Semâ' eyler felekler ser-te-ser âlâm-ı sevdâdan
Döner hep raks eder ekvân döner dünyâ neler söyler
Mehabbet üzre halk etmiş cihânı Hâlik-ı a'zam
Muhibbânın 'aleyhinde hemen bîgâneler söyler
Mehabbet bir geniş deryâ-yı esrâr-ı ilâhîdir
Ki bu esrârı 'âkiller değil mestâneler söyler
Çiçekler lâleler güller mehabbetden alır rengin
Anın-çün bülbül-i şeydâ, 'aceb destâneler söyler
Neden feryâd eder tanbûr u nây u 'ûd ile kânûn
Ki anlar 'âşıkâne bir düşün âyâ neler söyler
Mehabbetden olur binlerce Hikmet zâhir ü peydâ
Velâkin 'ârifân anlar deniz deryâ neler söyler
Ârif Hikmet Gökoğlu
Kuddise Sırruh
NAĞME-İ AŞK