MuzafferOzak.com (Türkçe)

NUTK-İ ŞERÎF

"Men 'aref" bâbın açaldan nefs-i halvet bulmuşuz

Seyr edüp vechin cemâlin zâta vuslat bulmuşuz

Hırka-i evsâf-ı hakkânîyi biz hark eyleyüp

Tâc-ı 'ayniyyetle biz vahdetde 'izzet bulmuşuz

Evliyâ-yı Hakk olanlar mazhar-ı "lâ-havf" olur

Havfı hüznü geçmişiz biz dâr-ı rahat bulmuşuz

Fülk-i dilde ma'rifet sultânı kuvvet bulalı

İnhizâm-ı 'asker-i evhâma nusret bulmuşuz

Dîde-i evhâmiyâne oldu yetmiş bin hicâb

Ehl-i keşfiz kesret içre 'ayn-ı vahdet bulmuşuz

'Âlem u âdem nikâbın keşf edelden cism ü cân

Âdem ile 'âlemi dîdâr ü cennet bulmuşuz

Sûretullah üzre mahlûk olduğumuz anladık

Anın içün sûret-i âdemde rü'yet bulmuşuz

Şâhid-i Gaybî özün çün bizden izhâr eyledi

Her nefesde zât-ı Hakk'dan türlü lezzet bulmuşuz

Sunullah Gaybî

Kuddise Sırruh

"Men Aref" Bâbın Açaldan Nefs-i Halvet Bulmuşuz