Menzil-i Marifete Râh-ı Şerîatden Gel
18 Aralık 2023 tarihinde yayınlanmıştır.
NUTK-İ ŞERÎF
Menzil-i ma'rifete râh-ı şerî'atden gel
Var hakîkat iline semt-i hakîkatden gel
Sadr-ı meclis ile bir olmazdı çün saff-ı niâl
Bakma ruhsatlara var 'ayn-ı 'azîmetden gel
Bulmağa zevk u safâ cân u gönülden her dem
Vâdî-i zühdü bırak 'aşk u muhabbetden gel
İ'tikâdın vâr ise âdem-i ma'nâya eğer
Sohbet-i hâssına sûret-i bî'atden gel
Bezm-i vahdetde tutar câm-ı safâyı Hakkı
Sen de nûş eyle hulûs ile bu şerbetden gel
İsmâil Hakkı Bursevî
Kaddesallahu Sırrahu'l-Âlî