Mest-i Müdâmdır Bu Dem Âşık-ı Şûrîdeler
16 Aralık 2019 tarihinde yayınlanmıştır.
NUTK-İ ŞERÎF
Mest-i müdâmdır bu dem 'âşık-ı şûrîdeler
'Âlem-i hayretdedir dilbere dildâdeler
Nûr-i hidâyât-ı Hakk dîde-i dilde ola
Kurbân olur zevk ile dergâha âyendeler
Zülf-i sanem telleri bende çeker kulları
Câm-ı mey ü mülleri nûş eder üftâdeler
Sâkî-i nev-resteler demde kemer-besteler
Meyhânede şâd olur şevk ile pâ-bendeler
Dilde ki dildâr ola dîdesi bîdâr ola
Yâr-i vefâdâr ola âzâd olur bendeler
Şerbet-i 'aşk şevketi katresi cân kıymeti
İki cihân devleti buldu bu pûyendeler
Lutfî bu incûlerin celb ede Hakk-cûlerin
Âb-ı hidâyet olur kim içe bu bâdeler
Alvarlı Efe Hâce Muhammed Lutfî
Kaddesallahu Sırrahu'l-Âlî