Metâ'-ı Hüsnüne Dil Cân-Bahâ Dimez de Ne Dir
9 Ocak 2025 tarihinde yayınlanmıştır.
NA'T-I ŞERÎF
Metâ'-ı hüsnüne dil cân-bahâ dimez de ne dir
Yüzün gören ana bin cân fedâ dimez de ne dir
Cemâl-i pâkine 'aks eyledi bu hüsn-i ezel
Dil ana mazhar-ı nûr-ı Hudâ dimez de ne dir
Cebîn-i Yûsuf'a pertev salup çü hüsnü gören
Beşer değil o melek dil-rübâ dimez de ne dir
Çü hüsn-i sûret-i küllî cihânda şemmesidir
Beşer diyen ana mahz-ı hatâ dimez de ne dir
Celâl-i leyle-i zülfünde nûr-ı kadre iren
Ziyâ-yı vechine şemsi'd-duhâ dimez de ne dir
Eyâ Habîb-i Hudâ v'ey tabîb-i 'illet-i dil
'Alîl-i pister-i hicrin devâ dimez de ne dir
Görün bu na't-i şerîfi bu nev-zemînde 'aceb
Salâhî lutfuna olmuş sezâ dimez de ne dir
Abdullah Salâhaddîn Uşşâkî
Kaddesallahu Sırrahu'l-Âlî