Mevlâ Kullarına Etdi İnâyet
16 Mart 2020 tarihinde yayınlanmıştır.
NUTK-İ ŞERÎF
Mevlâ kullarına etdi inâyet
El-hamdü lillâh eş-şükrü lillâh
Doğru yollarına etdi hidâyet
El-hamdü lillâh eş-şükrü lillâh
Bir avuç hâk iken insân eyledi
Ehl-i tevhîd ehl-i îmân eyledi
Nice lutf u nice ihsân eyledi
El-hamdü lillâh eş-şükrü lillâh
Hakk'ın ihsânını fikr eyle âşık
Enva'-ı lutfunu zikr eyle âşık
Rûz ü şeb Hâlık'a şükr eyle âşık
El-hamdü lillâh eş-şükrü lillâh
Umarız rahmet ü cennet ü vuslat
Bahr-ı gufrânına yokdur nihâyet
Fazl ü ihsânına bulunmaz gâyet
El-hamdü lillâh eş-şükrü lillâh
Hüdâyî kim bula nûr-ı Hudâ'yı
Makâm olur ana vahdet sarâyı
Hakk'a eren bulur zevk ü safâyı
El-hamdü lillâh eş-sükrü lillâh
Azîz Mahmûd Hüdâyî
Kaddesallahu Sırrahu'l-Âlî