Mevlâ Seni Halk Etmeden Bahş Eylemiş Hidâyetin
28 Mayıs 2021 tarihinde yayınlanmıştır.
NUTK-İ ŞERÎF
Mevlâ seni halk etmeden bahş eylemiş hidâyetin
Nûr-i îmân İslâm ile hayr eylemiş nihâyetin
Eşyâdan okursan 'aref esrâr-ı tevhîd her taref
Mirât-ı vahdetdir cihân müzdâd ola dirâyetin
'İlm-i 'aref kitâbıdır bu mümkinât eyle nazar
Mevcûd mûcidi gösterir kuvvet bula firâsetin
Evvel seni mezkûr eder 'ilm-i ezelde zü'l-kerem
Se'âdeti sebkat eden sa'îd imiş bidâyetin
Ey nûr-i dil Hakk'a dayan âheste-rev yollar keser
Zikr-i müdâmı dil bulur budur yüce kerâmetin
Eşkin giden esb-i sefer râhına bulur tîz zafer
İstikâmetde devâmın se'âdete 'alâmetin
Lutfî hüner-mendânların peyrevi ol kesb et hüner
Dâimâ ehl-i himmete hizmet verir şerâfetin
Alvarlı Efe Hâce Muhammed Lutfî
Kaddesallahu Sırrahu'l-Âlî