Meydân-ı Muhabbetde ki Merdânelerin Var

30 Haziran 2019 tarihinde yayınlanmıştır.

NUTK-İ ŞERÎF

Meydân-ı muhabbetde ki merdânelerin var

Rişte-i muhabbetde ki dürdânelerin var

Esrâr-ı 'aref dilde ledün-dânelerin var

Hikmethâne-i zevkde müldânelerin var

'Arşdan urulur ferşe kadar nây-i muhabbet

Erenler eliyle çekilir yây-ı muhabbet

Bahşîş-i ezeldir dile mînâ-yı muhabbet

Bâde-i elestkeşlere mestânelerin var

Günden güzelim gül yüzüne nûr-i Hudâ'dan

Urmuş o güneş merkez-i kubbe-i hüdâdan

Ders-i 'arefi fehm edegör gel bu nidâdan

Halka-i hakîkatde ledün-dânelerin var

Meyhânede bul bâde-i hâlisi meyânda

Sâkî-i zemân ile görüş doğru ayânda

İhlâs ile dâmânını tut Hakk'a dayan da

Sermestler ile dopdolu meyhânelerin var

Cânân ile cânın ile cevlâne gidersin

Hâk-i pâyine bâş ile kurbâne gidersin

Lutfî gibi bir katresin 'ummâne gidersin

Âteşe atar cânını pervânelerin var

Alvarlı Efe Hâce Muhammed Lutfî

Kaddesallahu Sırrahu'l-Âlî