Midhatinde Âciz İtdi Halkı Mahbûb-ı Latîf
20 Ekim 2023 tarihinde yayınlanmıştır.
NA'T-I ŞERÎF
Midhatinde 'âciz itdi halkı mahbûb-ı latîf
Bulamazlar şânına şâyeste bir lafz-ı şerîf
Vâsıfa na'ti kazâ-yı hayrete yol gösterir
Zât-ı pâki oldu çün huluk-i 'azîm ile vasîf
Lafz-ı harf içre elifde harfi te'lîf eyleyen
Bî-hurûf u lafz u savt evsâfına olur elîf
Sûretin vasfıyla ma'nâya irişir mi 'ukûl
Bulmayan ma'nâya yol 'âlemde olur mu 'arîf
Lîk her kadr-i hedâyâ kadr-i mühdî üzredir
Gam değil nazmın ne denli olsa kem-kadr u hafìf
Nazm-ı dest-âvîzini 'aczi ile arz eyledi
Çün Süleymân'a olupdur tuhfe-i mûr-ı za'îf
Lîk mûrdan dahi ahkardır Salâhî bî-nevâ
İ'tirâf-ı midhatin'çün nazmını kıldı zarîf
Abdullah Salâhaddîn Uşşâkî
Kaddesallahu Sırrahu'l-Âlî