Moravî Yahyâ Efendi Hazretleri
2 Temmuz 2021 tarihinde yayınlanmıştır.
Cenâb-ı kutb-ı aktâb-ı zamâne Şeyh Yahyâ kim
Dili esrâr-ı 'ilmullâh ile memlû idi hakkâ
Nümâyân olmuş idi pertev-i envâr-ı zikrullâh
Cebîninde o gavs-ı ekremin mihr-i münîr-âsâ
O şeyh-i halvetiyye mürşid-i kâmil ki Hakk etmiş
Kemâl-i lutf u ihsân ile bir hayrü’l-halef i‘tâ
Makâmında halîfe eyleyüp ol zât-ı zî-şânı
Gidüp kendi cihândan tekke-i Firdevs'i kıldı câ
Mürîdân u ehibbâsın koyup âlâm-ı firkatde
Varup şevk ile tahsîl etdi kurb-i Hazret-i Mevlâ
Çıkıp bi’l-cümle istikbâline kerrûbiyyân-ı 'arş
Olunca rûh-ı pâki vâsıl-ı ser-menzil-i 'ulyâ
Alup gülün terin deste hezârân hüzn ile Fıtnat
Ederken fikr sâl-i rıhleti târihini tenhâ
Dedi bu mısra‘ ile nâsa i‘lân eyleyip hâtif
Ola Yahyâ Efendi'nin makarrı cennetü’l-me’vâ
28 Cemâzi’l-âhir 1184
Şaire Fıtnat Hanım'ın Yahya Moravi Efendi Hz.nin vefatı üzerine yazdığı manzume
Divan
(Arap Harfli nüsha) S.51-52