Mübârek Ola Rûz-i Rûze Yâ Rab Ana Lutfunla
12 Mart 2024 tarihinde yayınlanmıştır.
RAMAZÂN-I ŞERÎF TEBRÎKİ
Mübârek ola rûz-i rûze yâ Rab ana lutfunla
Olup her gicesi Kadr günü 'Iyd-i tarab-efzâ
Bu eyyâm-ı safa-ancâyı vasf itmek değil mümkin
Ki ol vakt-i savm u âhiri 'ıyd-i ferah-bahşâ
Değil câ-yı ta'accüb rûzu şebden olsa efzûnter
Riyâzat sâhibidir çok yasar 'âlemde ol zîrâ
Şeb-i râhat-fezâsı aksar olmakda müveccehdir
Ki hengâm-ı safâ-pâdır rikâb 'âşıklara cânâ
Verâ-yı Kâf'a dek eyler firârı durmayup İblîs
Görüp hançer be-kef mâh-ı sıyâmın gurresin garrâ
Tutuldukça sa'âdet devlet 'izzet müstedâm olsun
Bozuldukça tılısm-ı genc-i lâ yefnâ olur ifşâ
Cenâb-ı Hazret-i memdûhumuz mesrûr olup ya Râb
Nice emsâl ü emsâli ile ola safâ-pîrâ
Nazîrâ bir du'â-gûy u senâ-hân-ı kadîmîdir
İde tevfîk anın da her umurun Hazret-i Mevlâ
Nazîr İbrâhim Efendi
Kuddise Sırruh