Muhabbet Eyleme Bu Dehr-i Dûne
24 Aralık 2024 tarihinde yayınlanmıştır.
NUTK-İ ŞERÎF
Muhabbet eyleme bu dehr-i dûne
Gidenler sana yetmez mi nümûne
Derûnun 'âlemin eyle temâşâ
Bakup aldanma gel hâl-i bîrûne
Bidâyetle nihâyet ola yeksân
Bizi irgür gürûh-ı sâbikûne
Nice bir olalım hayretde nâlân
Ola dil vâkıf esrâr-ı kümûne
Harîm-i bezm-i yâre mahrem olan
Nazar eylemedi "kâne yekûn"e
Nukûş-ı mâsivâdan eyle âzâd
Hakîkat sırrını nakş it derûne
Fenâyî'ye 'atâ it zevk-ı vaslın
Ola 'ârif rumûz-ı "kâf u nûn"e
Ehl-i Cennet Mehmed Fenâyî Efendi
Kuddise Sırruh