Muhît-i Bahr-ı Tevhîdi Bulup Ummân-ı Bî-sâhil
26 Haziran 2024 tarihinde yayınlanmıştır.
NUTK-İ ŞERÎF
Muhît-i bahr-ı tevhîdi bulup 'ummân-ı bî-sâhil
Vücûdun katresin mahv et eğer oldunsa ehl-i dil
Şeb-i firkatdeki kesret hayâl-i zılldır aldanma
Serâbı ko serâya bak serây-ı sırra ol vâsıl
Mecâza bakma ey sâlik hakîkî matlaba 'azm et
Ki zîrâ zıll-ı zâilde ikâmet eylemez 'âkil
Temevvüc eyleyen deryâya bak emvâca aldanma
Güneş tâbında çok şebnem bilirsin kim olur zâil
Hüdâyî vahdete bak kim ana mâni' değil kesret
Ola mı âfitâba hîç vücûdu zerrenin hâil
Azîz Mahmûd Hüdâyî
Kaddesallahu Sırrahu'l-Âlî