Münharifdir Sâkiyâ Endûh-i Dünyâdan Mizâc
22 Temmuz 2020 tarihinde yayınlanmıştır.
GAZEL
Münharifdir sâkiyâ endûh-i dünyâdan mizâc
Bâde tut kim 'illet-i endûha gafletdir ilâc
Fakr mülkin tut ger istiğnâda istersen kemâl
Saltanatdan geç kim ol vâdîde çokdur ihtiyâc
Çekme taht ü tâc kaydın bî-ser ü pâlık gözet
Kim ayağa benddir taht ü belâdır başa tâc
Bir perî zülfün tutup hâlinden alsan kâm-ı dil
Tut ki Çin mülkini tutdun Hind'den aldın harâc
Terk ü tecrîd ihtiyâr et kim diyâr-ı aşkda
Fakr bâzârına esbâb-i fenâdandır revâc
Nakş-i zâildir umûr-i dehre kılma i'tibâr
Olsa hâsıl fakrdan hüzn ü gınâdan ibtihâc
Ey Fuzûlî ben melâmet mülkinin sultânıyam
Berk-ı âhım tâc-ı zer sîm-i sirişkim taht-ı 'âc
Fuzûlî
ÎZÂH
Bu gazelin şerhini daha önce yapmışdık, merâk edenlere şuraya bakıversinler