Mürg-i Dil Perrân Olup Bulsa Hevâ-yı Hayreti
26 Şubat 2023 tarihinde yayınlanmıştır.
NUTK-İ ŞERÎF
Mürg-i dil perrân olup bulsa hevâ-yı hayreti
Şems i cân nûr ile pür eyler fezâ-yı hayreti
Ger hezarân devlet ü ni'met görürse ehl-i dil
Gelmez onun çeşmine ister nevâ-yı hayreti
Sendeki derd ü belâ ve mihnete bakma sakın
Kim bulur kalbin cefâlardan vefâ-yı hayreti
Cân nedir bin cân fedâ olsun bu hayret zevkine
Koy gubâr-ı fehm ü fikri bul safâ-yı hayreti
Hayret i bî-hodluk iste server olmak isteme
Kim ser-i serverlik ister hâkipây-ı hayreti
Gerçi lezzât ü safâ 'âlemde çokdur lîk hiç
Bir safâ tutmaz dil ü cân içre cây-ı hayreti
Âfitâb-ı 'aşk ı Hakk 'âşıklara tâbendedir
Arzu eylerler ol zıll-ı hümâ-yı hayreti
Ger dilersen dilde dildârınla olmak dâimâ
Nefsine bîgâne ol bul âşinâ-yı hayreti
Feth i bâb-ı beyt i dil hayretdir ey Hakkı tamâm
Hayrete ver sen seni al mehlikâ-yı hayreti
Erzurumlu İbrâhim Hakkı
Kaddesallahu Sırrahu'l-Âlî