Mürşid-i Kâmil Âdemi Câm-ı Cihân-nümâ İder
26 Ağustos 2018 tarihinde yayınlanmıştır.
GAZEL
Mürşid-i kâmil âdemi câm-ı cihân-nümâ ider
Câm-ı cihân-nümâ nedir âyîne-i Hudâ ider
Dost olan o Hazret'e düşmen-i mâsivâ olur
Bahr-i muhît-i vahdete kendüyü âşinâ ider
'Âlem-i sûreti koyup sâlik-i râh-ı 'aşk olan
Ma'nâ yüzünde rûhunu hemdem-i Mustafâ ider
İki kanad olur ana havf ü recâsı dâimâ
Şol kişi kim salâh ile uçmağı iktizâ ider
Günde beş on kez âdemin kabri zebân-ı hâl ile
Muntazıram sana deyu ağzın açıp nidâ ider
İki cihânı kendüye kayd-ı te'alluk eylemez
Vahdet-i Hakk muhabbeti 'âşıkı bir yanâ ider
Güç ile sığdı Yahyâ'nın makta'a adı fi'l-mesel
Kâleb-i âdeme giren rûh gibi ibâ ider
Taşlıcalı Yahyâ Bey