Mürşid-i Kâmil Mürîd-i Sâdıkın Sultânıdır
21 Ekim 2021 tarihinde yayınlanmıştır.
NUTK-İ ŞERÎF
Mürşid-i kâmil mürîd-i sâdıkın sultânıdır
Her ne buyursa ana fermân anın fermânıdır
Menba'-ı mâü'l-hayât mecma'ul-bahreyndir
Hızr-ı tevfîk ü hidâyet ledünnî kânıdır
Tıfl-keş keştî-şikendir sûret-i irşâda
Hazret-i Mûsâ'yı vaktin hâce-i 'irfânıdır
Feyz-i nutkundan meşâma nefha-i 'Îsâ gelir
Cândır her bir bedende cânlar cânânıdır
Ol tabîb-i cân-fezâ dârü'ş-şifâ-yı 'aşkda
Derdler dermânıdır dil-hasteler Lokmân'ıdır
İmtisâl eyle Rızâ emr-i celîlü'ş-şânına
Emrü nehyi mürşidin müsterşidin bürhânıdır
Neccârzâde Rızâ Efendi
Kuddise Sırruh