3 Ocak 2025 tarihinde yayınlanmıştır.
Bir gönülden sevici Allah'ı
Fakrın iklîminin şehenşâhı
Re's-i kalb üstüne ķılıcı namâz
Cevr ile eylemeyüp ikrâhı
'Aks-i rûy-ı nigârı suda görüp
Diyici ana mihr ile mâhi
Leyse fi'd-dâr gayruhû deyyâr
Diyüben idici müdâm âhı
Hırka-pûş oluben dönüp diridi
Leyse fį-cübbetį sivallahi
Ol şehüñ bir kemįne bendesiyüz
Ŧapmışuz biz de ol ŧapan rāhı
‘Işķ bālā-yı küfr ü dįn diyenüz
Şevķile ara yirde geh gāhį
Biz ki ṣabr-ı beliyyet itmeyenüz
Cāhiliyyet yolına gitmeyenüz
II.
Biz de rindüz ne ṣavm var ne ṣalāt
Bize ķallāşuz añma ḥacc u zekāt
Her ki ṣavm ü ṣalātı terk itmez
Bulamaz hįç iki cihānda necāt
Ķılmamaġa ṣalātı ṣavmile biz
Virenüz yazuben sicill ü berāt
Ravza bizüm teyemmümüz ķomadı
Miŝl-i Ceyḥūn u Nįl ü Şaŧŧ ü Fırāt
Ķatl-i nefs itmişüz bilüp anı kim
Her ki bund’öldi buldı anda ḥayāt
Ĥasenāt[ı] ba‘įd-i seyyiedür
Seyyiātı muķarrebüñ ḥasenāt
Ĥaķķ’a minnet ṣalāt ü ṣavmı ṣalup
Virenüz ħoş Muḥammed’e ṣalavāt
Biz daħı bir ‘alā-ḥide ķavmuz
Bį-ṣalāt ü zekāt ü bį-ṣavmuz
III.
İdüben Ĥażret’e münācātı
Dileyüp dürlü dürlü ḥācātı
Künc-i mescidde mu‘teḳif oluban
Cān ü dilden idüp ‘ibādātı
Ħalvet-i ħanķahda diz çöküben
Çeküben şevķile riyāżātı
Ĥamd-i bį-ḥad Ħudā-yı yektāya
K’eyledük özümüz ħarābātį
Şimdi elden piyāleyi komazuz
Geçürüp içmekile evkātı
Müdmin-i ħamr olup müdām içerüz
İdüben ħoş ķażā-i mā-fātı
Terk idüp şürb-i şerbet-i şekeri
İçenüz ‘ışķile şarābātı
Bizüz ol dil-ber-i ħarābātį
Ortadan götüren iżāfātı
Eydeyüm yine diñle bir ma‘nā
‘Ayn-ı ma‘nā durur degül da‘vā
IV.
Biz hemān bir elif diyüp duranuz
Dimeyüp ‘ömrümüzde bir kez bā
Ġusl idenüz gelende göñlümüze
Bāġ-ı Firdevs ü cennet-i a‘lā
Ħoş vużū dutanuz geçende müdām
Fikrümüzden bizüm ġam-ı dünyā
Erile ŧutup öldüren anasın
Şer‘-i ‘ışķile virenüz fetvā
Beg ü pāĢāya ugrayanda becid
Diyenüz diyüp iy cihānda velį 1
Ħˇācenüñ ħˇācesiyüz ey ħˇāce
Ķulumuz ķulısın bizüm ya‘nį
Gerçi sūretde bir fakįrüz biz
Lįk ma‘nāda hoĢ emįrüz biz
V
Oldur olduġ[ı] sözümüzde rumūz
Ki meşāyıħ kelāmıdur mermūz
Meyte-i kāfiri dutup yudaruz
İçürüp ķonşımuza bevl-i ‘acūz
İtmezüz biz ħilāf üzere sücūd
Bizde yoħ dime lā-yecūz [u] yecūz
Bį-zer ü zūr rez ķızın alanuz
‘Işķ bāzārınuñ içinde ucuz
Hırzumuzdur tehevvüdey zāhid
Bizüz anuñla her nefes maḥrūz
Rāstį rāstuz elif kimi biz
Śanma kej miŝl-i hemze-i mehmūz
‘Aks-i zülf ü ruħı durur yārüñ
Žulmet ü nūr-ı Rūşenį şeb ü rūz
Sūfiyüz bizden isteme bāmı
Çāştı žuhrı ‘aśrı aħşāmı