Mutlak Biziz Âzâd İden Kayd-ı Cihândan Cânımız
14 Haziran 2021 tarihinde yayınlanmıştır.
NUTK-İ ŞERÎF
Mutlak biziz âzâd iden kayd-ı cihândan cânımız
Çün kurtarır andan bizi gönüldeki 'irfânımız
Huccet dilersen ey halîl tecrîd ana besdir delîl
Tefrîd ile bî-kâl u kıyl sorma nedir burhânımız
Virüp bahâ cân almağı görübenü ko sormağı
Yûsuf kimi kul olmağı Mısr-ı dile sultânımız
Bahr-i revânın katresin gözden akan demde dinen
Rûşen sadef perverdesi galtân dürr ü mercânımız
Yedi deniz bir katredir gönül denizine dalan
Ol katredir yüz 'âlemi gark idici tûfânımız
Âğ u karadan kün-fekân bir mevc imiş iki cihân
Bahr-i 'ademden ey civân kim biliser 'ummânımız
Yedi felek bir darb ile meydâna gelüp çalalı
Ol topa bilindi nedir kudret veren çevgânımız
'Aşk özüdür gelüp giden devre girüp seyrân iden
Anı gören bilir nedir ey Gülşenî devrânımız
İbrâhim Gülşenî
Kuddise Sırruh