Nasreddin Hoca'nın Rüşvetçi Kadıya Haddini Bildirmesi
15 Mayıs 2018 tarihinde yayınlanmıştır.
HİKÂYE
Vâr idi Konya'da bir kâdı-yı şûm
İrtişâ vü tama' ile mezmûm
Ana her kim ki vereydi rüşvet
Muktezâsınca yazardı hüccet
Hâce-i devr-i zamân Nasreddîn
Eyledi kâdıya bir hîle hemîn
Koydu bir destiye vâfir toprak
Kâdıyı aldatdı ol sâlik-i Hakk
Bir kaşık bal koyup ağzına hemân
Toprağı eyledi destide nihân
Hâceti olmuş idi bir hüccet
Kâdıya destiyi verdi rüşvet
Hürmet etdi ana kâdı durdu
Rüşveti gördü safâlar sürdü
Kalemin aldı eline kâdı
Hücceti yazmağa oldu râzı
Eyledi sa'y-ı belîğ-i ikdâm
Hücceti eyledi yanında tamâm
Hücceti verdi edüp kat'-ı nizâ'
Kâdıya eyledi ol dahî vedâ'
Yemeğe başladı kâdı 'aseli
Toprağa erdi kazâ ile eli
Kâdıya oldu kazıyye ma'lûm
Gönlüne kibr ü gadab etdi hücûm
Gördü anı nitekim ehl-i riyâ
Zâhiri bâtına uymaz kat'â
Destiyi hışm ile ol kâdı-yı mest
Kalb-i 'uşşâk gibi kıldı şikest
Kâdı bir hîle vü tezvîr etdi
Hücceti almağa tedbîr etdi
Eyleyüp dilde nihânı kîne
Dedi yârındası Nasreddîn'e
Getir ol hücceti kim yanlışı var
Bir dahîsini yazayım tekrâr
Yanlış olunca keşîde hüccet
Kendi da'vâsına vermez sûret
Dinleyince bu sözü Nasreddîn
Dedi kâdıya latîfeyle hemîn
Hüccetin cümle sahîh ey nâdân
Vâr ise desti dürür yanlış olan
Ol harâmı yemeyüp nite ki mâr
Kâşki toprak ile edeydin iftâr
Kabarıp desti gibi ey bed-hû
Kendini kılma harâm ile dolu
Akdır gerçi imâmen ammâ
İçin ol desti gibi oldu kara
Ne revâdır bu ki bu sûret ile
Kalb-i arâyiş ola rüşvet ile
Besleme hân-ı harâm ile tenin
Desti gibi ötesi yokdur anın
Rüşvet ile dirilen ahmakdır
Anı bilmez ki sonu toprakdır
Veh ki bu fi'l-i harâm u bed-kâr
Gönlünün âyînesin etdi gubâr
Kıldı bu vech ile ta'zîr-i lisân
Kâdıya haddini bildirdi hemân
Destiye döndü o kâdı cesedi
Sûreti sîrete uymaz ebedî
Ey veren dîde-i gam-dìdeye nûr
Vay kılan lutf ile cânı mesrûr
Rüşvet alan kişiyi eyle hacîl
Mâl-ı rüşvet gibi nâ-peydâ kıl
Ağara akçe gibi dîdeleri
Mahv ola pertev-i nûr-i basarı
Taşlıcalı Yahyâ Bey
NÜKTE
Hoca'nın bu hikâyesinden alıncak ders şudur ki, rüşvet ile elde edilen para zâhirde bal gibi tatlı olsa da hakîkatde pis bir çamur gibidir. Dünyâ hayâtında haramdan kazandıklarını bal gibi yutanlar yarın âhiret gününde her şeyin hakîkati ortaya çıktığında nasıl bir pislik yediklerini anlayacaklardır.
NÜKTE
Hoca'nın bu hikâyesinden alıncak ders şudur ki, rüşvet ile elde edilen para zâhirde bal gibi tatlı olsa da hakîkatde pis bir çamur gibidir. Dünyâ hayâtında haramdan kazandıklarını bal gibi yutanlar yarın âhiret gününde her şeyin hakîkati ortaya çıktığında nasıl bir pislik yediklerini anlayacaklardır.