Nazar Ehli Gözetmez Sûreti Sîret Gerek Derler
15 Aralık 2023 tarihinde yayınlanmıştır.
NUTK-İ ŞERÎF
Nazar ehli gözetmez sûreti sîret gerek derler
Kumaş u kaş yetmez erde hem gayret gerek derler
Kuru taklîd ile tut âdemi tennûre-pûş olmuş
Beğim âşık olan âdeme germiyyet gerek derler
Niderler şöhreti şöhret tarîk ehline âfetdir
Bu âfetden halâs olmaklığa himmet gerek derler
Kifâyet eylemez fakr u fenâ erbâbına hırka
Derûnî zühd ü takvâdan da bir kisvet gerek derler
Ko kıyl u kâli hâl istersen ey Hakk'ı eğer Hakk'dan
Kişi nâ-cins ile terk-i dem-i sohbet gerek derler
İsmâil Hakkı Bursevî
Kaddesallahu Sırrahu'l-Âlî