Nazm-ı Na't-i Fahr-ı Âlem'le Gerekdir İftitâh
9 Ocak 2025 tarihinde yayınlanmıştır.
NA'T-I ŞERÎF
Nazm-ı na't-i Fahr-ı 'Âlem'le gerekdir iftitâh
Tâ ki her yüzden nümâyân ola envâr-ı necâh
Ey mümidd-i zîr ü bâlâ v'ey müfìz-i bîş ü kem
Her nigâh-ı i'tibârın menşe'-i fevz ü felâh
Tâb-ı kahr ile harîk olmak mukarrerdir bu dil
Sâye-i lutfun eğer açmaz ise her dem cenâh
Bulmadım bir dem huzûr-ı tâ'at-i Hakk'ı gönül
İtmede her demde gafletle ma'âsî iktirâh
Kasvet-i kalb ile ahvâlim mükedderdir meğer
Safvet-i feyz-i latîfinle bula dil inşirâh
Gülşen-i vasfında bülbüldür Salâhî rûz u şeb
Na't-i pâkin vird idinmiş bi'l-guduvvi ve'r-revâh
Çün fesad üzre kurulmuşdur binâ-yı nefs-i şûm
Feyz-i cûdundur meğer ide Salâhî'ye salâh
Abdullah Salâhaddîn Uşşâkî
Kaddesallahu Sırrahu'l-Âlî