Nedir Cânâ Bil Ol Söz Kim Hadîs ü Hem Değil Kur`ân
3 Nisan 2021 tarihinde yayınlanmıştır.
MUAMMÂ
Nedir cânâ bil ol söz kim Hadîs ü hem değil Kur`ân
Tekellüm etmemişdir çün perî anı ne hod insân
Dahi Tevrât ile şâhım değildir ol Zebûr İncîl
O kim fehm eylemez anı pes andan yeğ-dürür hayvân
Bu bir sözdür hadîs ile ki Kur`ân'ın arasında
Niceler eylemiş hükmü kelâm-ı Cibrîl'e ey cân
Dahi her sûretin harfine öz olmuş bu çâr üzre
'Anâsır-veş odur cânâ görünür her biri yeksân
Anın ger sen cüdâ etsen bugün bir harfini cânâ
Yerinden nesne eksilmez görünür zümre-i 'irfân
İkinci harfi kim başın alup gitse aradan ger
Anın kim sanmanız tâ kim erişe derdine noksân
Olup üçler gibi gâib anın üç harfi ger gitse
Yine cânâ durur dördü yerinde bil ki ey ihvân
İderse birbirinden ger anın dördü dahi gaybet
Olur mahbûb-i meknûnu yine dört üzre çâr-erkân
'Aceb nazm eyledin Nakşî bu ma'nâ-yı mu'ammâyı
Kanı bir 'akl-ı evvel kim ider bu remzini iz'ân
Nakşî-i Akkirmânî
Kuddise Sırruh