Nedir Dürr-i Yetîm Ey Dil ki Çıkmaz Ol Bu Deryâdan
16 Mart 2018 tarihinde yayınlanmıştır.
NUTK-İ ŞERÎF
Nedir dürr-i yetîm ey dil ki çıkmaz ol bu deryâdan
Mekânı bir sadefdendir ki değildir ak u karadan
Ne kim var cümle mahlûku serâser cem' idersen ger
Bulunmaz bî-bedeldir ol hakîkat misl-i eşyâdan
O bir nûr-i münevverdir ki konmuş hâne-i dilde
Yanar leyl ü nehâr ey meh anın şem'i dil-ârâdan
Rumûz-i sırr-ı vahdetden o kim fehmeylemez âhir
Ne bilsin kim garaz cânâ nedir iş bu mu'ammâdan
Bugün Mecnûn-veş Nakşî dilâ bu mekteb-i dilden
Neler çekmişdürür bilsen alınca dersi Mevlâ'dan
Nakşî Akkirmânî
Kuddise Sırruh