MuzafferOzak.com (Türkçe)

NUTK-İ ŞERÎF

Nedir maksûd ey dil 'âlem içre halk olunmakdan

Tutup 'irfân yolun Allah'a vuslatdır muhakkakdan

Berâzih ehline yâr olma haşrı neşri gör bunda

Kıyâmetden mukaddem olagör âgâh isen Hakk'dan

Cihânı bir pula almaz bulanlar devlet-i 'ukbâ

Geçerler iki 'âlemden duyanlar sırr-ı mıutlakdan

Ümîd-i 'aşk-ı pâk itme sakın zâhidden ey 'âşık

Kabâhatden hatâdan gayrı nesne gelmez ahmakdan

İbâdet eyle ey Hakkı teveccüh kıl o dergâha

Sakın gönlün bir ân ol Hazret-i Mevlâ'dan ırmakdan

İsmâil Hakkı Bursevî

Kaddesallahu Sırrahu'l-Âlî

Nedir Maksûd Ey Dil Âlem İçre Halk Olunmakdan