Nefs Elinde Bizi Yâ Rab Kılma Fazlınla Zebûn
29 Haziran 2022 tarihinde yayınlanmıştır.
.jpg)
MÜNÂCÂT
Nefs elinde bizi yâ Rab kılma fazlınla zebûn
Olmayavuz tâ ki hergiz râgıb-ı dünyâ-yı dûn
Feyz-i akdesden erişe cism ile câna nasîb
Et şühûd-i vahdetin nûrun 'atâ her dün ü gün
Mâsivâ ķaydından eyle mahz-ı lutfunla halâs
Taht-ı teshîrindedir hep küllemâ kâne yekûn
Yemm-i cûdun katresinden buldu mevcûdât vücûd
Reşha-ı fazl u keremdir evvelîn ü âhirîn
Sebk-ı hüsnâ mahzeninden neş'edâr et kalbimiz
Zāhir ola her nefesde lem'a-ı sırr-ı derûn
Mâh-ı nev gibi semâ-yı dilde kesb edem kemâl
Rû-yı bahtın bedr ede burc-ı felekde sâlikûn
Bu vücûdu zerresini kıl Fenâyînin hebâ
Şems-i esrârını eyle dâim ana reh-nümûn
Ehl-i Cennet Mehmed Fenâyî Efendi
Kaddesallahu Sırrahu'l-Âlî