Nev-bahârın Kesret-i Bârânı Tezyîn Eyledi
6 Eylül 2020 tarihinde yayınlanmıştır.
NUTK-İ ŞERÎF
Nev-bahârın kesret-i bârânı tezyîn eyledi
Ravza-i cennet misâl dilleri tahsîn eyledi
Hazrevât-ı cümle ezhâr revnakın buldu tamâm
Her birinden bir tecellî 'aceb telvîn eyledi
Etdirir esmâ yüzünden 'âşıka seyr-i cemâl
'Ârif olan her nazarda dostu ta'yîn eyledi
Var durur her zerrede bir feyz-i Rahmânî şehâ
Kıl basîret 'ibret ile gör ne tekvîn eyledi
Her bir eşyâdan gelir gizlice çün bûy-ı habîb
Gönlü tenvîr eyleyüp hem Hakk'a yakîn eyledi
Nev-şüküfte gûn-â-gûn ezhâr-ı kudret sırları
Gamz edüp türlü beşâret rûhu temkîn eyledi
Fikr-i Yezdân ile Sûzî kıl nazar bu kevne sen
Rehnümâdır sana cümle Hakk'ı telkîn eyledi
Ahmed Sûzî
Kuddise Sırruh