Nevâ-yı Nây-ı Aşkı Dinleyen Diller Gûş-i Cândan
23 Ağustos 2023 tarihinde yayınlanmıştır.
.jpg)
NUTK-İ ŞERÎF
Nevâ-yı nây-ı 'aşkı dinleyen diller gûş-i cândan
Görenler mihr-i m ânâyı haberdâr oldu cânândan
Şular ki yüz yere koymuş gözetmiş emr-i dildârı
Sivâdan gözlerin yummuş olup erbâb-ı 'uryândan
Eğer ser-defter-i dildârda dil kaydın istersen
Türâb-veş zîr-i akdâm ol münezzeh cism-i cihândan
Bu dâm-ı kıyl ü kâlde kim kalırsa kaldı hırmânde
Kenarsız bahr-i cehli bul murâddır 'ilm ü 'irfândan
Bu dünyâ gülbe-i ahzân olupdur ehl-i îmâne
Belâlar bal olur bir gün kerem olur kerem-kândan
Kazâ ümmü'r-rızâ oldu belâ bâb-ı velâyetdir
Belâ evvel gelir 'abde erişir rahm-i Rahmân'dan
Amân Lutfî gibi deryâ-yı gafletde perâkende
Olup kalma ciğer-köşem ırak dergâh-ı ihsândan
Alvarlı Efe Hâce Muhammed Lutfî
Kaddesallahu Sırrahu'l-Âlî