Nice Bir Yelesin Kâr-ı Fenâda
22 Kasım 2021 tarihinde yayınlanmıştır.
NASÎHAT
Nice bir yelesin kâr-ı fenâda
Dürüş hâk olasın râh-ı bekâda
Cihân içinde ebleh ol kişidir
Savura hırmen-i 'ömrünü bâda
Ne hâsıl şol hayât-ı fânîden kim
Hevâ ile geçe subh u mesâda
Kerâmet ehline oldu 'alâmet
Teni kullukda dil zikr-i Hudâ'da
Saâ'det ehli oldur Hakk'ı anlar
Kabûl eyler sözü düşmez 'inâda
Sakın bâzâr-ı 'ömre olma mağrûr
Tedârik eyle düşmeden kesâda
Ulular dâmenin koma elinden
Ki gark olmayasın yevm-i cezâda
Kabûl et Şemsî'nin pendin gönülden
Necât ister isen dâr-ı likâda
Şemseddin Sıvâsî
Kuddise Sırruh