Nice Îfâ-yı Teşekkür İdelim Yâ Rab Sana
21 Ocak 2023 tarihinde yayınlanmıştır.
NUTK-İ ŞERÎF
Nice îfâ-yı teşekkür idelim yâ Rab sana
Fahr-i kevneyn'e bizi ümmet edüp kıldın 'atâ
Ol mübârek ism-i pâki nûr-ı mısbâh-ı ezel
Yani misbâh u sirâc-ı şer'-i zât-ı Kibriyâ
Hatemiyyet mesnedin lutf u şefâ'at rütbesin
'Uhdesine eyledin tevcîh tekrîmen ana
Devr-i Âdem'den beru mislin gözler görmemiş
Şânına ta'zîmi mevcûdât arz itse sezâ
Geldiler bunca ulü'l-'azm nebiyy-i muhterem
Ümmet olmak devletiyçün itdiler cânlar fedâ
Lutf-ı Hakk'la olarak sâhib-i kerâmât ü kemâl
Emri üzre tâ'at iden ümmetidir evliyâ
Dü cihânda ümmetisin 'Âdile bu ne şeref
Diyelim salli 'alâ Ahmed Muhammed Mustafâ
Âdile Sultan
Rahmetullahi Aleyhâ