Nice Yüz Bin De Günah Eylese Ehl-i Îmân
2 Nisan 2024 tarihinde yayınlanmıştır.
NUTK-İ ŞERİF
Nice yüz bin de günah eylese ehl-i îmân
Yine tevhîdini vezn eyleyemezmiş mîzân
Şu'le setr itdi fitîlin cesed-i nâ-pâkin
Böyledir cism-i me'âsîye şümûl-i gufrân
Şirkin aslında vücûdundan eser olmamağın
Kalır erbâbı dahi yevm-i cezâda 'uryân
Sûret-i Hakk'la mükerrem mi değildir âdem
Hiç o sûret ola mı lâyık-ı nâr-ı nîrân
Müşrik olursa bu 'âlemde 'ıyâzen billah
Sûreti mesh olup eyler o cehennemde mekân
Meshi pek vâzıh ider "yevme yefirrü'l-mer"in
Remz-i tenzîli beyân ehline bî-rayb ü gümân
Hamdülillah ki Müsellem bizi setr itdi hele
Hisse-i gâib-i îmân ile Rabb-i Mennân
Ahmed Müsellem Efendi
Kuddise Sırruh