Nimetinle Kil Bizi Yâ Rabbi Kılletden Halâs
14 Mart 2022 tarihinde yayınlanmıştır.
NUTK-İ ŞERÎF
Ni'metinle kıl bizi yâ Rabbi kılletden halâs
Hürmetinle olavuz tâ kim bu zilletden halâs
Kudretinle çün ki yokdan vâr edüp verdin hayât
Hikmetinle pür edüp eyle cehâletden halâs
Hazretinle âşinâ olan 'ibâdın hürmeti
'İzzetinle hürmet edüp eyle zahmetden halâs
Cennetinle şâd olan ebrâr içün yâ Rabbenâ
Vuslatınla olur kullar kasâvetden halâs
Rahmetinle ola Fazlî dâhil-i bâğ-ı bihişt
Şefkatinle bula âfât-ı kıyâmetden halâs
Seyyid Osman Fazlî Efendi
Kaddesallahu Sırrahu'l-Âlî