Nişânsız Bulmadı Kimse O Şânı
19 Temmuz 2021 tarihinde yayınlanmıştır.
NUTK-İ ŞERÎF
Nişânsız bulmadı kimse o şânı
Nişân ile bulurlar bî-nişânı
N'ider cân ü cihânı sensiz 'ârif
Yine sensin anın cân ü cihânı
Nukûş-i gayrıyı hakkeyle dilden
'Ayân ola dile râz-ı nihânî
Nedendir katre iken nev'-i insân
Muhît ola o bahr-i bî-kerânı
Kuyûd-ı cism ü cândan bulan âzâd
Güzer etdi zemîn ü âsumânı
'Aceb sırdır semâ vü arza sığmaz
Gönül burcunda derc olan me'ânî
Sebak al nüsha-i sırr-ı ezelden
Sözün kat' et Fenâyî yum dehânı
Ehl-i Cennet Fenâyî Mehmed Efendi
Kuddise Sırruh