Nisâr Ol 'Âşık Cânına ki Dost İle Visâli Var
10 Nisan 2019 tarihinde yayınlanmıştır.
NUTK-İ ŞERÎF
Nisâr ol 'âşık cânına ki dost ile visâli var
Cânı birdir ma'şûk ile dahi ne türlü hâli var
Cân u gönül 'akl u fehm nisâr olsun ma'şûkaya
Pes 'âşıkın andan ayru dahi ne mülk ü mâlı var
Bu yer ü gök ü 'arş u ferş 'aşk dâdı ile kâimdir
Bünyâdı 'aşkdır 'âşıka her bir arada eli var
'Âşıkların ne kim varı tecrîd gerekdir arada
Her nesneye ol hükm ider her yol içinde yolu var
Bâkî dirlik seven kişi gerek tuta 'aşk eteğin
'Aşkdan artık her nesnenin değşirilir zevâli var
'Âşıklara iş bu sûret meselâ bir gönlek gibi
Yüz bin gönlek eskitirse 'âşıkların muhâli var
Niceler eydür Yûnus'a çün kocaldın 'aşkı kogıl
Rûzigâr uğramaz 'aşka 'aşkın ne ay u yılı var
Yûnus Emre
Kuddise Sırruh