Niyyet-i Hâlis Gerekdir Her Bir İlimde Hulûs
13 Haziran 2021 tarihinde yayınlanmıştır.
NUTK-İ ŞERÎF
Niyyet-i hâlis gerekdir her bir ilimde hulûs
Berk ola tâ i'tikâdın ola gönülde hulûs
Kavl ü fi'lin her umûrun Hakk ile olur ise
İbtidâsı hayr olur hem intihâsında hulûs
Cüz'î tâ'at u ibâdât ger ola ihlâs ile
Nice bin olur mükâfât var ise sende hulûs
Nice yıllar mescid ü medresede zühd eylesen
Bir çöpe saymazlar anı yok ise sende hulûs
Kesret-i tâ'at u a'mâl ile cennet isteyen
Mahrûm olur cümlesinden yok ise sende hulûs
'İlm ü a'mâl zühd ü takvâ şevk ile olmaz ise
Mest-i meyhâne hayırlı olsa şevk dilde hulûs
Feth olur dergâh-ı Hakk'da müşkilâtın Sûziyâ
'Aşk ile eyle niyâzı vâr ise sende hulûs
Ahmed Sûzî
Kuddise Sırruh