Nükte-i Zühhâdi Etdim Cüst ü Cû
12 Nisan 2022 tarihinde yayınlanmıştır.
NUTK-İ ŞERÎF
Nükte-i zühhâdı etdim cüst ü cû
Bulmadım esrâr-ı 'aşkdan zerre bû
Rindlerin meyhâne-i vîrânede
Tutdu feryâdı cihânı sû-be-sû
Çıkmadı âvâzı hiç pervânenin
Nâr-ı 'aşka yandı cismi mû-be-mû
Bir takım âyîne farz et 'âlemi
Lem'a salmış anlara envâr-ı Hû
Cân fedâ et ger dilersen Es'adâ
Cân ile cânân olsun rû-be-rû
Mehmed Esad Dede
Kuddise Sırruh