Nûr-i Ferâset İle Eyle Nazar Dâimâ
9 Ağustos 2020 tarihinde yayınlanmıştır.
NUTK-İ ŞERÎF
Nûr-i ferâset ile eyle nazar dâimâ
Dâimâ ilhâm-ı Hakk kalbe ola reh-nümâ
Zevk-ı dilin şâd ede vakt-i seherde seni
Gülşen-i dil gülleri sînede bulsun nemâ
Dünyaya etme nazar rûz u şeb eyle hazer
İki cihân devleti inzivâda innemâ
Sohbete devam eden kenz-i hidâyet olur
Seyr ederek reşk eder kalbine şems ü semâ
Sevdiğin öldürme sen senâ medâyih ile
Kendine eyle kıyâs bu husûsu siyyemâ
Yüz yere koy su gibi alçağa ver hayâtı
Mürdeleri zinde kıl hayr-hâh ol küllemâ
Dâm-ı dehanda lisân bende çekilse bu dem
Sohbet safâ bahş eder hikmet ile rubbemâ
Devr-i kamer görmemiş elvân-ı asrımızı
Hakk'a tevekkül edüp kûhda sen ol hümâ
Lutfî'ye lutf eyleye Bârî Teâlâ meğer
Hidâyeti yâr ola tevfîk ola rehnümâ
Alvarlı Efe Hâce Muhammed Lutfî
Kaddesallahu Sırrahu'l-Âlî