Nûr-i İrfân İle Bu Elvânı Seyrân Eyleyen
6 Ağustos 2023 tarihinde yayınlanmıştır.
NUTK-İ ŞERÎF
Nûr-ı 'irfân ile bu elvânı seyrân eyleyen
Dîdesi dürbîn-i esrâr keşf-i esrâr eyleyen
Ne 'aceb nakkâşdır menkûşe lâyık nakş edüp
Tahsîn eyler seyredince kesb-i 'irfân eyleyen
İktidârın gösterir seyr eyle her san'atını
Pek yakışmış serpûşu serpûşa akrân eyleyen
Şevket ü şân-ı şerâfet bahş eder 'âriflere
'Ayn-i hikmetdir fi'âli şevket ü şân eyleyen
Lutfuna yokdur nihâyet kahrına yokdur 'aded
Tasdîk eyler tahkîk eyler zâtın insân eyleyen
Çok emek ister Hudâ'nın emrinin tahsîline
Kahrolur mu Lutfiyâ kabûl-i fermân eyleyen
Alvarlı Efe Hace Muhammed Lutfî
Kaddesallau Sırrahu'l-Âlî