Nûr-ı Zâtın Eyleme Bizden Nihân
22 Ağustos 2022 tarihinde yayınlanmıştır.
MÜNÂCÂT
Nûr-ı zâtın eyleme bizden nihân
Fazl-ı ihsânına gâyet var mıdır
Kalmasın hayretde işbu 'akl u cân
Lutf u ihsâna nihâyet var mıdır
Uçmadan bu bâğ-ı tenden 'andelîb
Gülşen-i vaslını ana kıl nasîb
Dâr-ı gurbetde anı itme garîb
Fazlına yâ Rab nihâyet var mıdır
Gâib ola dîdeden resm-i sivâ
Olmaya arada benlik mutlakâ
Gûş-ı câna ire hâtifden nidâ
Fazl u ihsânına gâyet var mıdır
Cümle mevcûdâta sen verdin hayât
Senden alır feyzi işbu kâinât
N'ola itsen vâsıl-ı tevhîd-i zât
Fazlına yâ Rab nihâyet var mıdır
Eyle tevfîkin Fenâyî'ye refîk
Hazretine doğru vara tâ tarîk
Bahr-i ihsânına kıl anı garîk
Fazlına yâ Rab nihâyet var mıdır
Ehl-i Cennet Mehmed Fenâyî Efendi
Kaddesallahu Sırrahu'l-Âlî