Okusan İlm-i Tasavvuf Ne Zarar
6 Eylül 2021 tarihinde yayınlanmıştır.
NASÎHAT
Okusan 'ilm-i tasavvuf ne zarar
Pâk bil tasfiye-i bâtın ider
Çün odur 'ilm-i şerîf-i ebrâr
Genc-i esrâr-ı hakâyık-âsâr
Kavm-i sôfiyyedir ehl-i tahkîk
Dil-i sâfîleri deryâ-yı 'amîk
Vardır ol zümrede çok sâhib-i hâl
Vâsıl-ı rütbe-i a'lâ-yı kemâl
Ne hatâ anlara itmek isnâd
Fi'l-i bid'at ile kavl-i ilhâd
Sakın eslâfa sakın ta'n etme
Muta'assıb rûşende gitme
Eyleme tahtie-i kavl-i Fusûs
Istılâhât olsa şâyed mahsûs
Hiç yakışma hele ehl-i dîne
İftirâ Hazret-i Muhyiddîn'e
Gör Fütûhâtının kim ol tahrîr
Nice esrâr ider anda tahrîr
Haklarında sakın itme bühtân
Hâsılı eyleyegör keff-i lisân
Anlara dahl iden idbâr oldu
Pek büyük derde giriftâr oldu
Sanma kim râh-ı şerî'at başka
Meslek-i ehl-i tarîkat başka
Zâhir ü bâtını bilmez câhil
Kışr u lübb nüktelerinden zâhil
Zanneder bâtını kim bâtıldır
Kendinin re'yi ise 'âtıldır
Sünbülzâde Vehbî
Rahmetullahi Aleyh