Ol Dil ki Buldu Hakk'dan Mi'râc-ı Refrefîyi
3 Mayıs 2019 tarihinde yayınlanmıştır.
NUTK-İ ŞERÎF
Ol dil ki buldu Hakk'dan mi'râc-ı refrefîyi
Bî-harf u savt okur ol âyât-ı mushafîyi
Kesretde cismi terk et tâ sırr-ı vahdet-i Hakk
Vahyede câna her dem yüz âyet-i hafîyi
Çün 'aşk-ı Hakk'dan oldu her cân u dil müşerref
Nûruyla eyler ihyâ her şem'-i muntafîyi
Bak levh-i kalbine kim ilhâm-ı Hakk Te'âlâ
Esmâdan etdi âgâh ol Âdem'-i safîyi
Her kim ki erdi fakra kendinden aldı behre
Fakr aldı cümle satdı mülk-i mükellefîyi
Esrâr-ı "nahnu akreb" olmuş gönülde muzmer
Pes dil derûna almaz vesvâs-ı felsefîyi
Hakkî eğer dilersen sermest-i 'aşk olasın
Geç kesret-i suverden terk eyle ecvefîyi
İbrâhîm Hakkı Erzurûmî
Kuddise Sırruh