Ol Gevher-i Yektâ ki Bulunmaz Ana Hemtâ
4 Temmuz 2020 tarihinde yayınlanmıştır.
HİKMET
Ol gevher-i yektâ ki bulunmaz ana hemtâ
Gelmez sadef-i kevne bir öyle dürr-i yektâ
Ol zât-ı şerîfe yaraşır da'vâ-yı himmet
Kim oldu ne dünyâ ana maksûd ne 'ukbâ
Kim derk eder anı ki ola zâtına ma'lûm
Remz-i kütüb-i medrese-i 'ilm ile bâlâ
Ol zâhidin ağlar yer ü gök hâline yarın
Kim içmeye destinden anın câm-ı musaffâ
Bir noktadadır sırrı dedi çâr kitâbın
Ol çârdadır sırr-ı kütübhâne-i eşyâ
Ol nokta benim dedi dönüp remzini seyret
Ya'ni ki benim cümle-i esmâ-yı müsemmâ
Çün hisse imiş kıssadan ehl-i dile maksûd
Maksûd nedir anla bil ey 'ârif-i dânâ
Hep maglatadır laklaka-yı zâhir ü bâtın
Bir nokta imiş asl-ı suhan evvel ü âhir
Bağdadlı Rûhî