Ol Görür ki Mâverâyı Çeşm-i İrfân Andadır
19 Şubat 2022 tarihinde yayınlanmıştır.
NUTK-İ ŞERÎF
Ol görür ki mâverâyı çeşm-i 'irfân andadır
Ol bilür ki mâcerâyı sırr-ı Sübhân andadır
Mir`ât-ı Kur`ân ile görür gören hikmet nedir
'İlm-i hikmet mektebidir nûr-i îmân andadır
'Ayn-i 'ummân-ı hidâyet ehl-i îmân kalbidir
'Ârif-i billâh odur ki 'ilm-i Kur`ân andadır
"Men aref" bâdesini neşreyleyen dilden dile
Sâkî-i kevser-i ma'nâ hubb-i Rahmân andadır
Bir emangâh yok cihânda illâ Muhtâr-ı Hudâ
Lutfiyâ dâru'l-emândır derde dermân andadır
Alvarlı Efe Hâce Muhammed Lutfî
Kaddesallahu Sırrahu'l-Âlî