Ol ki Sevdâ-yı Cihân-ârâya Cân Eyler Fedâ
2 Mayıs 2021 tarihinde yayınlanmıştır.
NUTK-İ ŞERÎF
Ol ki sevdâ-yı cihân-ârâya cân eyler fedâ
Murtazâ'dır gûyiyâ vasfı anındır "lâ fetâ"
Her kim ol dildâr sevdâsında çekmiş mihneti
Dem-be-dem eyler safâ tutmuş reh-i Hayrü'n-nisâ
Kim tarîk-i Hakk'da cân vermiş ki bulmuş devleti
Hâsıl etmiş kurbeti bulmuş kemâl-i Murtazâ
Tâcı târâc eylemiş ol yâr-ı sevdâ sende kim
Subh u şâm eyler safâ bulmuş mezâk-ı Müctebâ
Âferîn ol 'âşık-ı şeydâya kim vermiş revân
Râh-ı Hakk'da kılmış ol kâr-ı Şehîd-i Kerbelâ
Dâmen-i sevdâda her kim hayme-zendir subh u şâm
Tanrı Ahmed hakkı ol tutmuş reh-i Âl-i 'Abâ
Bî-murâd olmaz Nigârî ben gibi her kim tutup
Sînesinde çâr-pâ dâğ-ı Muhammed Mustafâ
Seyyid Hamza Nigârî
Kuddise Sırruh