MuzafferOzak.com (Türkçe)

NASÎHAT

Ol kişinin yokdur yâri iş bu cihân zindân ana

Demesin kim ben şâdiyem ya şâdilik kandan ana

Şeddâd yapdı uçmağını girmeden aldı cânını

Bir dem amân verdirmedi yedi iklîm tutan ana

Demesin kim müselmânem Çalap emrine fermânem

Tutmaz ise Hakk sözünü fâide yok dînden ana

Eyitmesin çoğaç doğar etim tenim üşütmeye

Çün vücûdun delik değil şu'le ermez günden ana

Er donunu giyübeni doğru yola gelmez ise

Çıkarsın ol donu yoksa noksân erer dondan ana

Ol kişi kim sağır durur söyleme Hakk sözün ana

Ger der isen zâyi' olur nasîb yokdur sözden ana

Ol kişi kim yol eridir garîb gönüller yâridir

Bir söz diyem tutar ise yeğdir şeker baldan ana

Yûnus senin kulun durur belli bilirsin sen anı

Ko söyleyenler söylesin ne yapışır dilden ana

Yûnus Emre

Kuddise Sırruh

Ol Kişinin Yokdur Yâri İşbu Cihân Zindân Ana